មន្ទីរកសិកម្មខេត្តកណ្តាល

កាលពីថ្ងៃទី ០៧ ខែ ១០ ឆ្នាំ ២០១០ វេលាម៉ោង ៩.០០ ព្រឺក នៅ ភូមិ ព្រែកសំរោង សង្កាត់ តាខ្មៅ​ ក្រុង តាខ្មៅ ខេត្ដ កណ្ដាល ក្រោមអធិបតីភាព ឯកឧត្ដម  ជឹម សុខុន អភិបាលរង ខេត្ដ កណ្ដាល   គណៈកម្មការ ចំរុះដែលបានអញ្ចើញចូល រូមមាន៖ លោក ព្រះរាជអជ្ញារងអមសាលាដំបូង ខេត្ដ កណ្ដាល លោក អនុប្រធាន​នាយកដ្ឋានផលិតកម្ម និង បសុព្យាបាល លោក អនុប្រធាន ការិយាល័យ បសុព្យាបាល នៃនាយក​ដ្ឋានផលិតកម្ម និង បសុព្យាបាល ប្រធាន មន្ទីរកសិកម្ម ខេត្ដ កណ្ដាល លោក អភិបាលរង ក្រុង តាខ្មៅ លោក អនុប្រធាន ការិយាល័យកសិកម្ម ក្រុង តាខ្មៅ ប្រធាន-អនុប្រធាន ការិយាល័យផលិតកម្ម និង បសុព្យាបាល ខេត្ដ និង មន្ដ្រីជំនាញការិយល័យ ផលិតកម្ម និង បសុព្យាបាល  លោក ជំទប់ទី១ សង្កាត់ តាខ្មៅ បានធ្វើការដុតកំទេចចោល ជ្រូក ចំនួន១៩ក្បាល ដែលកើតជម្ងឺ ជ្រូកត្រចៀកខៀវ ( PRRS ) ក្នុង រណ្ដៅជំរៅ ២ ម៉ែត្រ ដោយបាន ចាក់ថ្នាំ រងាប់មេរោគ TH4 និង ចាក់សាំងដុតក្រោយការដុតកំទេចរួចបាន លប់រណ្ដៅ ហើយបាចកំបោរសពីលើ និង បាញ់ថ្នាំ រំងាប់មេរោគជុំវិញបរិវេណ ។

កាលពីថ្ងៃទី ០២ ខែ តុលាឆ្នាំ ២០១០ វេលាម៉ោង ១០.៤០ នាទីព្រឺក នៅភូមិ គុហេ ឃុំ រកាកោង២ ស្រុក មុខ​កំពូល ខេត្ដកណ្ដាល ក្រោមអធិបតីភាព ឯក​ឧត្ដម​ នូ​ ​មុត ទីប្រឺក្សាក្រសួងកសិកម្មរុក្ខាប្រមាញ់ និង​ នេសាទ​ ក្រុមការងារដែលបាន អញ្ចើញ ចូលរូមមានៈ លោកព្រះរាជអជ្ញារងអមសាលាដំបូង ខេត្ដកណ្ដាល លោក អនុ​ប្រធាន ​នាយកដ្ឋានផលិតកម្ម និង បសុព្យាបាល លោកប្រធាន-អនុប្រធាន មន្ទីរកសិកម្ម ខេត្ដ កណ្ដាល លោក​អភិបាលរងស្រុកមុខកំពូល លោកប្រធាន​ការិយាល័យ​កសិកម្ម ស្រុកមុខកំពូល ប្រធាន-អនុប្រធាន​ ការិយា​ល័យផលិតកម្ម និងបសុព្យាបាលខេត្ដ និង មន្ដ្រីជំនាញ ការិយល័យផលិតកម្ម និងបសុព្យាបាល កងកំលាំង​សមត្ថកិច្ចនគរបាលស្រុកមុខកំពូល បានធ្វើការដុតកំទេចចោល ជ្រូក ចំនួន ៤៩ក្បាល ដែល​លទ្ឋផលវិភាគ បញ្ជាក់ថាៈវិជ្ជមានជម្ងឺជ្រូក ត្រចៀកខៀវ ( Positive PRRS ) ក្នុងរណ្ដៅទំហំ ២ម X ៤ម ដោយបានចាក់​ថ្នាំរងាប់មេរោគ TH4 និង ចាក់សាំងដុត ក្រោយការដុតកំទេចរួចបានលប់រណ្ដៅ ហើយបាចកំបោរ សពីលើ និង បាញ់ថ្នាំ រំងាប់មេរោគជុំវិញបរិវេណ ។